Isyung pangwika na kinakaharap ng Wikang Filipino sa kasalukuyan

 

Bawat wika ay mayroong isyung pinagdaraanan, kahit ito'y opisyal bilang wikang isinasalita ng mga tao, hindi maiiwasan na magkaroon ng diskriminayson ukol rito. Isa na rito ang wikang atin, ang Filipino, sapagkat ito ay tanyag na wikang gingamit natin sa araw-araw, hindi nawawala ang suliranin nito, sa nakaraan man o kasalukuyan. Ito ang mga ilan sa isyung pangwika na kinakaharap ng wikang Filipino sa panahon ngayon.

   Ang mga isyung pangwika ay ang pagkakaroon ng kaisipang madali lamang ang asignaturang Filipino. Marahil, madali sa paraan ng paggamit lamang nito sa pasalitang paraan at pagsulat ng simple, subalit, hindi lingid sa kaalaman ng iba, na kapag sinabing asignaturang o wikang Filipino ay umiikot lamang ito sa ating wika kung paano ito gamitin sa pakikipagtalastasan at komunikasyon. Bilang nagpapakadalubhasa sa larangang ito, hindi naging madali ang pagpapalaganap at pagpapayabong rito, sa kadahilanang, ang pilipino ay ginagamit ang wika ngunit unti-unti rin na natatabunan ng wikang Ingles, at kahit sa simpleng pagsasalita ng wikang Filipino ay hindi maayos ang pagbigkas ng mga salita at ang ilan sa mga ito ay hindi alam ang kahulugan at pautal-utal pa. Sa kabilang banda, isang suliranin pa nito ay hindi napapahalagahan ng mga paaralan ang wastong paggamit nito sa pagtuturo, bilang obserbasyon, nakatala sa ating batas na dapat parehas at sabay na pagyabungin ang wikang atin at wikang hiram, ngunit, bakit ganoon na lamang na pawang naiiwan ang wikang Filipino at umaangat ang wikang hiram na Ingles? Bilang paaralan at mga guro, mas mabuti kung ating gagamitin ang wikang atin sa pagtuturo, dahil aminin man natin o hindi, isa tayo sa saksi na iilang aklat na lang ang nakalimbag at kadalasan ito ay ang sabdyek na Filipino na lamang at iilan na lanag sa elementarya, ngunit sa Ingles, nariyan ang mga akalat ng Math, English, at Science, at sa iialang paaralan ay gumagamit pa ng "english only policy". Kaya't nagkaroon ng ganito ay isa sa toksik na pananaw ng pilipino ay "kapag magaling ka mag- ingles, matalino ka,  kapag hindi ka magaling sa ingles ngunit magaling ka sa wika mo, hindi ka matalino". Kaya't ganoon na lamang na may ganitong sistema na nabubuo. Ikatlong suliranin ay hindi maayos ang pagbigkas at hindi sapat ang bokabularyo ng mamamayang pilipino. Marahil, araw'araw na nila itong ginagamit, ang ilan ay hindi parin maayos ang pagbigkas nito, at kadalasan ang mga salitang malalalim ay limitado lamang ang kanilang naiintindihan. Ikahuli na aking napapansin, ay ang paggamit ng gobyerno ng wikang hiram sa kanilang pakikipagkomunikasyon sa kapwa Pilipino at sa mga batas. Noong kami ay bumibisita sa Senate of the Philippines, ang bawat silid ay may katumbas na mga pangalan na nakalimbag sa ingles at Filipino, ngnit ang sinasalita nila ay wikang Ingles, paano na lamanag magkakaintindihan o maiintindihan ng mga mamamayang Filipino ang batas na kanilang pinoproklama o isyu ipinapalabas sa telebisyon at radyo kung wikang ingles ang gagamitin, dahil alam natin na hindi lahat ay may kakayahang umintindi ng buo mula sa salitang ingles.

   Ang paglalatag ng isyu ay isang paraan para imulat ang mga pilipino sa kalagayan ng wika sa kasalukuyan. Ito sana ay maging daan para bigyang solusyon at paunlarin ang wikang atin. Higit sa lahat, ito ay magsilbing aral na bilang Filipino ay dapat ipagmalaki at pagtibayin ang wikang atin at huwag manatili sa makapangyarihan impluwensya at sa ilalim ng wikang hiram.