Ang isang pag-ibig (2)

 Sa pagtuntong ko

sa kolehiyo,
isang makisig
na guro ang nasilayan ko.
di mapigilang
gumuhit ang ngiti
sa labi ko,
lalo't nang mabatid kong
di lamang siya
karaniwang guro
kundi isang
alagad ng sining
sa maraming aspeto.
sa kanyang husay
at talino,
higit akong humanga
at tila pati
puso ko'y
nakatitiyak
na "siya na nga ata"
Naging inspirasyon
siya ng bawat araw ko.
hanggang sa malimutan ko
ang isang manliligaw ko.
Dahil tila
ang guro'y napapansin na rin ako.
halos ikamatay ko
ang bawat sulyap niyang
dinaraanan ako.
halos ikaputol
ng aking hininga
ang bawat ngiting
pinalilipad niya sa akin.
hanggang sumapit
ang isang pagtitipon,
pangkat kami ng mag-aaral
na nakapalibot
sa kanyang mesa,
tila natutuwa siyang ipakita
ang mga liham
ng nagdaan niyang mag-aaral
na may pagtangi sa kanya.
ang isa sa amin ay lantarang
nagsasabing
gusto niya ang guro.
ang aki'y buong lihim
at tahimik kong sinasarili.
kaya't habang
nagbabasa, ang isa'y
lantad ding kinikilig
at nagsasabi ng pag-uyam.
samantala,
ako'y ipit na ipit
na wag dudungaw
kahit kaunting ngiti.
naninigas ang aking dibdib
sa pagpipigil
ng aking kilig.
nang habang ako'y nagbabasa,
nakita ko
sa sulok ng aking mata,
ang guro'y matamang
sa aki'y nakamata,
tila nag aantabay,
sa reaksyon
at emosyonng
aking
bang iluluha...
Ngunit nabigo siya
pagkat buong husay
kong naikubli ang tuwa.
Sa pag-uwi'y
nag-aya siyang
ako raw ay sumabay,
dahil gabi na'y
makabubuting
ako raw ay may kasabay.
sa pag-uwi
siya'y naging
napakagiliw,
maginoong nakaalalay
at tunay na kaibig-ibig,
puso ko'y
kanyang laging
pinalulundag
sa simpleng
paghawak sa aking braso'y
aalalay.
kuryente
na ata at di na kilig
ang dumadaloy sa aking dibdib.
at ikinagulat ko
ang lahat
ng kanyang sambitin
"kita'y tinatangi"
at bukas kata'y
dadalhin
sa sinehan,
aking giliw.

Mga Komento

Mag-post ng isang Komento

Mga sikat na post sa blog na ito

Isyung pangwika na kinakaharap ng Wikang Filipino sa kasalukuyan

  Bawat wika ay mayroong isyung pinagdaraanan, kahit ito'y opisyal bilang wikang isinasalita ng mga tao, hindi maiiwasan na magkaroon ng diskriminayson ukol rito. Isa na rito ang wikang atin, ang Filipino, sapagkat ito ay tanyag na wikang gingamit natin sa araw-araw, hindi nawawala ang suliranin nito, sa nakaraan man o kasalukuyan. Ito ang mga ilan sa isyung pangwika na kinakaharap ng wikang Filipino sa panahon ngayon.    Ang mga isyung pangwika ay ang pagkakaroon ng kaisipang madali lamang ang asignaturang Filipino. Marahil, madali sa paraan ng paggamit lamang nito sa pasalitang paraan at pagsulat ng simple, subalit, hindi lingid sa kaalaman ng iba, na kapag sinabing asignaturang o wikang Filipino ay umiikot lamang ito sa ating wika kung paano ito gamitin sa pakikipagtalastasan at komunikasyon. Bilang nagpapakadalubhasa sa larangang ito, hindi naging madali ang pagpapalaganap at pagpapayabong rito, sa kadahilanang, ang pilipino ay ginagamit ang wika ngunit unti-unti ri...
Magbasa nang higit pa

PAGSUSURI NG KURIKULUM SA ELEMENTARYA 2

           I.        Introduksyon             Ang papel na ito ay naglalamang ng mga pagsusuring isinagawa sa kurikulum sa Elementarya. Tinatalakay din dito ang pagtuturo ng Filipino sa batayang edukasyon pang- elementary. Ang nilalaman ng pgsusuring ito ay ang pagtatalakay sa disenyo, lawak saklaw ng kurikulum, layunin ng edukasyon sa elementary, mga kasanayansa edukasyong pang-elementarya kalakasan at kahinaan ng kurikulum dito sa Pilipinas, mga dapat baguhin sa pagdebelop at pag- implementa ng kurikulum at ang aking sariling mungkahi para sa pagpapabuti ng kurikulumsa kasalukuyan.               Ang Kurikulum ayon kina Ragan at Shepherd ay isang daluyang nagpapadali kung saan ang paaralan ay may responsibilidad sa paghahatid, pagsasalin at pagsasaayos ng mga karanasang pangkatuto. Sa pamamagitan n...
Magbasa nang higit pa

Pananaliksik Draft ng Kabanata 1 (Isang Halimbawa)

   PERSEPSYON SA KONTEMPORARYONG PANITIKAN NG MGA PILING MAG-AARAL NG EMILIO AGUINALDO COLLEGE - CAVITE BAITANG 12 SA PAGLINANG NG MAKRONG KASANAYANG PAGSULAT       KABANATA I PANIMULA     Rasyunale ng Pag-aaral Pangkalahatang layunin ng 2013 Kurikulum ng K to 12 makalinang ng isang buo at ganap na Filipinong may kapaki-pakinabang ng literasi. Layunin ng pagtuturo ng Filipino na malinang ang (1) kakayahang komunikatibo, (2) replektibo o mapanuring pag-iisip at, (3) pagpapahalagang pampanitikan ng mga mag-aaral sa pamamagitan ng mga babasahin at teknolohiya tungo sa pagkakaroon ng pambansang pagkakakilanlan, kultura na literasi, at patuloy na pagkatuto upang makapagapay sa mabilis na pagbabagong nagaganap sa daigdig. Kaugnay nito, tunguhin ng asignaturang Filipino lalo na sa antas Sekondarya na malinang ang mga kasanayang MAKRO (Pakikinig, Pagsasalita, Pagsusulat, Panonood at Pagbabasa) at mabatid ang tiyak na kaalamang panggramatika sa pagtamo ng kakay...
Magbasa nang higit pa