Ang Wika sa Kasalukuyang Panahon

 Saan na nga ba nakatayo ang ating wika sa kasalukuyan? Ano na ba ang kalagayan ng wikang Filipino sa sarili nitong bakuran? Ang mismong mamamayan ba ng wikang ito'y nananatiling nagbibigay-pugay at nakikiisa sa paglinang nito?

Ilan lamang ito sa mga katanungan na maaari nating maisip kung ang pag-uusapan ay ang kalagayan ng ating wikang Filipino sa ating lipunan sa kasalukuyang panahon. Sa galawan ng mamamayang Filipino ngayon na tunay namang napakaabala ng bawat isa, ipagpalagay pa ang "new normal" setting ngayon at maraming pagbabago tulad ng "work from home" at "online classes" ay hindi pa rin natutuwid ang baluktot na katayuan ng wikang Filipino sa maraming aspeto ng buhay ng tao. Sa malimit na paggamit ng wika, mas madalas ay laging wikang Ingles ang ginagamit natin. Gaya ng isang simpleng panayam sa mga mag-aaral sa kindergarten, na lumalabas na 90% ng mga mag-aaral ay mas natutukoy ang mga larawan?bagay na ipinakita sa kanila ay sa Ingles ito unang nakikilala o natutukoy bago pa nila sasabihin kung ano ito sa Filipino. Iyan pa ay kung alam nga ba nila sa Filipino. Pawang ang mga mag-aaral na napabilang sa nasabing panayam ay mga batang nag-aaral sa pamprobadong paaralan at nililinang ang mga mag-aaral dito na maging mahusay sa paggamit ng wikang Ingles. Isa pang salik ay karamihan sa kanila ay tinuruan ng mga magulang na unang makapagsalita sa wikang Ingles. Kaya't hubad na hubad sila sa kaalaman sa sariling Wikang Filipino. Ito ay isa usapin pa lamang sa kalagayan ng Filipino kaugnay ng akademikong larangan.

Malaking hamon para sa mamamayang Filipino ang pagpapanatili, paglinang at pagpapayaman ng wikang Filipino. Ngunit hangga't hindi tayo bumibitaw sa pagkakakapit at pananatiling umaasa na tayo't laging masasagip ng paggamit ng wikang Ingles sa ating mga pang-araw-araw na pakikipag-ugnayan sa iba't ibang gawain, hindi talaga natin maisusulong ang pagpapaunlad ng wikang Filipino. Masama pa't baka abuting ito'y unti-unting talikuran ng mga murang henerasyon na mismong magulang nila ang nagkakabit ng maskara sa kanilang mga anak sa paggamit ng wika. Inaakala tuloy ng mga batang ito na ang kanilang unang wika ay Ingles.

Gumising ka... maalimpungatan na tayo sa sigwa ng kaganapang ito. Dapat ay maging malinaw sa atin kung ano ang wikang Filipino para sa atin.... alalahanin ang hirap ng pinagdaanan bago ito napagtibay ng batas, at ang mga dugong nagsilbing bayad para sa tuluyang kalayaan ng bansa na kinakatawan rin ng pagkakaroon natin ng sariling wikang pambansa. Ikaw, ano ang ginagawa mo para sa mabuting katyuan ng wikang Filipino sa ating lipunan?


Mga Komento

Mag-post ng isang Komento

Mga sikat na post sa blog na ito

Isyung pangwika na kinakaharap ng Wikang Filipino sa kasalukuyan

  Bawat wika ay mayroong isyung pinagdaraanan, kahit ito'y opisyal bilang wikang isinasalita ng mga tao, hindi maiiwasan na magkaroon ng diskriminayson ukol rito. Isa na rito ang wikang atin, ang Filipino, sapagkat ito ay tanyag na wikang gingamit natin sa araw-araw, hindi nawawala ang suliranin nito, sa nakaraan man o kasalukuyan. Ito ang mga ilan sa isyung pangwika na kinakaharap ng wikang Filipino sa panahon ngayon.    Ang mga isyung pangwika ay ang pagkakaroon ng kaisipang madali lamang ang asignaturang Filipino. Marahil, madali sa paraan ng paggamit lamang nito sa pasalitang paraan at pagsulat ng simple, subalit, hindi lingid sa kaalaman ng iba, na kapag sinabing asignaturang o wikang Filipino ay umiikot lamang ito sa ating wika kung paano ito gamitin sa pakikipagtalastasan at komunikasyon. Bilang nagpapakadalubhasa sa larangang ito, hindi naging madali ang pagpapalaganap at pagpapayabong rito, sa kadahilanang, ang pilipino ay ginagamit ang wika ngunit unti-unti ri...
Magbasa nang higit pa

PAGSUSURI NG KURIKULUM SA ELEMENTARYA 2

           I.        Introduksyon             Ang papel na ito ay naglalamang ng mga pagsusuring isinagawa sa kurikulum sa Elementarya. Tinatalakay din dito ang pagtuturo ng Filipino sa batayang edukasyon pang- elementary. Ang nilalaman ng pgsusuring ito ay ang pagtatalakay sa disenyo, lawak saklaw ng kurikulum, layunin ng edukasyon sa elementary, mga kasanayansa edukasyong pang-elementarya kalakasan at kahinaan ng kurikulum dito sa Pilipinas, mga dapat baguhin sa pagdebelop at pag- implementa ng kurikulum at ang aking sariling mungkahi para sa pagpapabuti ng kurikulumsa kasalukuyan.               Ang Kurikulum ayon kina Ragan at Shepherd ay isang daluyang nagpapadali kung saan ang paaralan ay may responsibilidad sa paghahatid, pagsasalin at pagsasaayos ng mga karanasang pangkatuto. Sa pamamagitan n...
Magbasa nang higit pa

Pananaliksik Draft ng Kabanata 1 (Isang Halimbawa)

   PERSEPSYON SA KONTEMPORARYONG PANITIKAN NG MGA PILING MAG-AARAL NG EMILIO AGUINALDO COLLEGE - CAVITE BAITANG 12 SA PAGLINANG NG MAKRONG KASANAYANG PAGSULAT       KABANATA I PANIMULA     Rasyunale ng Pag-aaral Pangkalahatang layunin ng 2013 Kurikulum ng K to 12 makalinang ng isang buo at ganap na Filipinong may kapaki-pakinabang ng literasi. Layunin ng pagtuturo ng Filipino na malinang ang (1) kakayahang komunikatibo, (2) replektibo o mapanuring pag-iisip at, (3) pagpapahalagang pampanitikan ng mga mag-aaral sa pamamagitan ng mga babasahin at teknolohiya tungo sa pagkakaroon ng pambansang pagkakakilanlan, kultura na literasi, at patuloy na pagkatuto upang makapagapay sa mabilis na pagbabagong nagaganap sa daigdig. Kaugnay nito, tunguhin ng asignaturang Filipino lalo na sa antas Sekondarya na malinang ang mga kasanayang MAKRO (Pakikinig, Pagsasalita, Pagsusulat, Panonood at Pagbabasa) at mabatid ang tiyak na kaalamang panggramatika sa pagtamo ng kakay...
Magbasa nang higit pa