PAGSUSURI NG KURIKULUM SA FILIPINO: BAITANG 8

 

 

I.               INTRODUKSYON

 

          Ang papel na ito ay naglalaman ng pagsusuring isinagawa sa kurikulum sa Sekondarya. Tinatakay din dito ang pagtuturo ng Filipino sa batayang edukasyon pang-sekondarya. Pagtalakay sa disenyo lawak at saklaw ng kurikulum, ang layunin ng edukasyon sa sekondarya lalo sa baitang walo (8), mga kasayanan, kahinaan at kalakasan na kinakaharap ng kurikulum tungo sa pagpapaunlad ng mga mag-aaral sa baitang walo (8) at ang mga opinyon at mungkahi ko bilang mag-aaral sa Filipino sa pagdebelop at pag-implementa ng kurikulum dito sa Pilipinas.

 

         Ang sistema ng edukasyon sa sekondarya sa ating bansa ay nakabatay sa tatlong batayan o saligang batayang pilosopikal, batayang sosyolohikal, at batayang sikolohikal. Ayon kina Ragan at Shepherd, ang kurikulum ay isang daluyang magpapadalikung saan ang paaralan ay responsibilidad sa paghahatid, pagsasalin at pagsasaayosng mga karanasang pampagkatuto. Ayun sa Kurikulum ng Edukasyong Sekondari ng 2010 ay ang pagpapalit o pagbabago ng kurikulum sa Pilipinas ay isinasagawa tuwing ikasampung taon ngunit bunga ng mabilis na pagbabago sa larangan ng edukasyon at patuloy na paglaganap ng mga makabagong kaalaman at impormasyon, naniniwala ang Departamento ng Edukasyong Sekondarya na dapat nang isaayos ang kasalukuyang kurikulum upang sa gayo‟y makaagapay at matugunan nito ang mga pangangailangan ng ating lipunan at ng mga mag-aaral ng kasalukuyang panahon. Naging batayan sa pagsasaayos ng kurikulum ang mithiin ng Edukasyon para sa lahat 2015 o sa ingles ay „Education for all 2015‟.

 

II.            DISENYO, LAWAK AT SAKLAW

 

          Ang disenyo ng kurikulum ay isang terminong ginamit upang ilarawan ang may layunin, sinadya, at sistematikong organisasyon ng kurikulum sa loob ng klase o kurso. Samadaling salita, ito ay isang paraan para magplano ng mga guro. Kapag tinutukoy ng mga guro ang kurikulum, tinutukoy nila kung ano ang gagawin, sino ang gagawin, at kung ano ang susunod naiskedyul.

 

Tatlong (3) Uri ng Disenyo ng Kurikulum

1.     Paksa-nakasentro na disenyo – ang pokus ay nasa paksang tinatalakay sa loob ng klase.

2.     Mag-aaral na nakasentro sa disenyo – binibigyang pokus ang pag-unawa, interes at layunin ng mga mag-aaral.

3.     Problema na nakasentrosa disenyo – ang pokus sa kurikulum ay nakatuon sa pagtuturo sa mga mag-aaral kung paano tumingin sa isang problema at magkaroon ng isang solusyon sa problema.  

 

          Sa pangalawang taon sa sekondarya ang lawak ng kurikulum ay binibigyan pokus ang masusing pag-aanalisa at pag-aaral ng mga tiyak na istrukturang gramatikal ng Filipino bilang kasabay sa pagtatamo ng wastong kasanayan sa pagbasa. Upang matamo ito, pinagsasanib ang mga tekstong prosidyural, reperensya, journalistic, literasi at politiko-ekonomiko sa pagkatuto ng iba‟t-ibang istrukturang gramatikal. 

 

        Binibigyan pansin din ang mga akda bilang akdang pampanitikan gaya ng

“Florante at Laura” na pinag-aaralan sa ikalawang taon sa sekondarya o baitang walo (8) na kung saan pinagtutuunan ang akdang ito sa dalawang linggong sesyon sa bawat markahan. Narito ang mga asignaturang tinatalakay sa ikalawang taon sa sekondarya: Filipino 2, Algebra 2, Biology, English 2, Kasasaysayan sa Asya at iba pang menor na paksa gaya ng Edukayong pang-pisikal, musikal, kalusuhan, sining, ekonomiks at teknolohiya. 

 

          Ang saklaw sa pagtuturo ng Filipino sa Baitang walo (8) ay nahahati sa tatlong domeyn: una, ay ang pangkabatiran na may dalawang (2) uri ito at ang pagkalap at paggamit. Ikalawa, pandamdamin na tumutukoy sa saloobin ng mag-aaral. At ikatlo, ang saykamotor. 

 

1.     Pangkabatiran - ito ang pinaka-karaniwang layunin dahil marahil sa pagtuturo ay karaniwang nakatuon sa paglipat ng kabatiran o kasanayan. Ito ay nahahati sa dalawa: 

a.              Pagkalap ng kabatiran - ukol sa pagkatuto ng batayang kabatiran. 

b.              Paggamit sa kabatiran o impormasyon - ukol sa manipulasyon at proseso ng paggamit ng kabatiran. Ito ay may anim na antas: kaalaman, pag-unawa, aplikasyon, pagsusuri, paglilinaw, at ebalwasyon.

2.     Pandamdamin - ang mga layunin sa domeyn na ito ay nahihinggil sa mga saloobin, emosyon, kawilihan, at pagpapahalaga. Ito ay may limang kategorya: pagtanggap, pagtugon, pagpapahalaga, pag-organisa, at karakterisasyon.

3.     Saykomotor - ito ay nahihinggil sa mga kasanayang manipulatibo. Sa ilalim ng domeyn na ito, nilalayon ng guro ang paglinang sa kakayahang pisikal.

 

III.          LAYUNIN

 

         Layunin ng Baitang walo (8) na maipamalas ng mag-aaral ang kakayahang komunikatibo, mapanuring pag-iisip, pag-unawa at pagpapahalagang pampanitikan gamit ang teknolohiya at iba‟t ibang uri nf teksto at akdang pampanitikang pambansa upang maipagmalaki ang kulturang Pilipino. 

 

          Kabilang sa mga layuning panglahat sa asignaturang Filipino na ayun sa Secondary Education Development Program (SEDP) ay ang mga sumusunod

 

•       Linangin ang kasanayan at kaalaman sa paggamit ng Filipino sa pakikipagtalastasan. 

•       Linangin ang kasanayan sa pag-unawa, pagpapakahulugan, pagsusuri, at pagbibigay-halaga sa mga paksa.

•       Linangin ang kaalaman sa kasanayan at pagpapahalaga sa Panitikang Filipino.

•       Linangin ang kakayahan at kasanayan sa pagkilala at paglikha ng iba't ibang uri ng panitikan. 

•       Paunlarin ang mga kaalaman at kasanayan sa pagsasaling wika at sa pag-aaral at pananaliksik.

 

IV.          KASANAYAN SA EDUKASYONG SEKONDARYA

 

         Ang makrong kasanayan ay ang epektibong pagpapahayag ng kaisipan, saloobin, naisin, at damdamin ay isang mahalagang proseso sa pakikipagtalastasan.

Ang pangunahing kasangkapan upang maisakatuparan ang matagumpay na                         pakikipagtalastasan ay paggamit ng wika. Dito nakasalalay ang tagumpay ng anumang propesyon sa pakikipag-ugnayan sa kapwa. Mayroong apat makrong kasanayan, ito ay ang Pakikining, Pagsasalita, Pagsusulat at Pagbabasa.

 

1.     Pakikinig - isa itong proseso ng pagtanggap ng mensahe mula sa naririnig. Ito ay mula sa tunog o salita na narinig, sa pamamagitan ng “auditory nerve”, mabilis na dinadala sa utak at ang bigyan ng pagpapakahulugan at pagsusuri kung ano ang naririning. Ang utak ang siyang nagbibigay ng interpretasyon at pag-unawa at doon nagkakaroon ng kahulugan ang naririnig.

2.     Pagsasalita - ito ay ang pagbibigay, pagbabahagi ng kaisipan at mensahe sa pamamagitan ng verbal na paraan na ginagamit ang wika na may wastong tunog, tamang gramatika, upang malinaw na maipaliwanag ang damdamin at kaisipan.

3.     Pagsusulat –  ay pagsasalin sa papel o sa anumang kasangkapang maaaring magamit na mapagsasalinan ng mga nabuong salita, simbolo at ilustrasyon ng isang tao o mga tao sa layuning maipahayag ang nasa kanyang kaisipan ito ay ayun kay Sauco, et al., 1998.

4.     Pagbabasa - ay pagkilala, pag-unawa, pagpapakahulugan at pagtataya ng mga ideya sa mga nakalimbag na simbolo. Ito ay proseso ng pag-unawa sa mga kaisipang hatid ng awtor sa mga mambabasa. Sa pamamagitan ng pagbasa, nahahasa ang iba‟t ibang kasanayan ng isang indibidwal.

 

V.             PAGSUSURI NG KURIKULUM

KAHINAAN		KALAKASAN
•       Hindi sapat ang pasilidad at kagamitan sa ilang pampublikong paaralan •       Pinagtutuunan ng pansin ang paksa bilang sentro ng kurikulum kesa mag-		•       Patuloy ang pagpapaunlad ng mga asignatura •       Gabgets at mga libro ang mga pangunahing pinagkukunan ng
	aaral. Kakulangan sa mga libro at mga guro		impormasyon Mga     batas edukasyon	na	nagpapatibay	sa

 

          Ang akin mga opinyon na sa tingin ko ay dapat gawin upang mabago at mapaunlad ang Kurikulum ng sekondarya sa Pilipinas lalo sa Baitang walo (8) ay ang mga sumusunod na pamamaraan at katangian na dapat taglayin ng isang kurukulum. Una, ang mga gawain ay dapat maging payak at madaling isagawa para sa edad ng mga mag-aaral na nasa labing-apat hanggang labinglima. Ikalawa, Nagsasangkot ng lahat ng mga mag-aaral pati na din ang guro sa mahahalagang gawain na lilinang sa makrong kasanayang ng mga mag-aaral pagdating sa pagbabasa, pagsusulat, pakikinig at pagsasalita sa wikang Filipino. Ikatlo, dapat nagbibigay ng mabuting bunga at kahihinatnan ang lahat ng gawain para sa mga lahat ng mag-aaral at hindi iilan lamang, dapat sabay-sabay silang natututo at umuunlad sa lahat ng mga gawain walang mag-aaral ang dapat  maiwan. Ikaapat, nahuhubog sa mabuting pag-uugali at kaasalan ng mga mag-aaral dahil sa panahon ngayon hindi na lang talino at kakayahan ang dapat linanging ng mga mag-aaral kundi maging ang kanilang asal dahil napaka-importante na maging marespeto hindi lamag sa nakakatanda kundi maging sa lahat mapa-tao,bagay o hayop man ito. Ikalima, ang kurikulum ay dapat maimplementa ng maayos upang ito ay magkaroon ng malaking tulong sa paglinang ng maraming kakayahan ng mag-aaral na magagamit nila sa sa pagtungtong sa mga susunod na baitang sa eduksyon. Ikaanim, ang kurikulum ay dapat maging hamon sa kakayahan ng mag-aral sa Baitang walo (8) upang sa ganon ay maging handa sila sa pagtungtung sa susunod na baitang. Ikapito, ang kurikulum ay dapat maging “learnercentered curriculum designed” na nakatuon sa mga sa mga mag-aaral at hindi sa paksa. At huli, umaalinsunod sa mga simulain ng pagkatuto at sa pilosopiya ng pagtuturo sikolohiyang edukasyonal. 

 

          Ayun sa mga nagdaang talakayan lubos na naging isyu sa lahat ang pagpapatupad ng bagong kurikulum na hindi napaghandaan o naihanda ng maayos, marapat lamang na ito ay rebisahin o baguhin ng pamahalaan at ng departamento ng edukasyon ng sa gayon makapagbigay ng positibong resulta ang kurikulum dito sa Pilipinas tungo sa mas maayos na edukasyon na nakasentro sa paglinang ng kaalaman at kakayahan ng kabataan at hindi nakasentro sa mga manggagawang kabataan. Para sa ikabubuti at ikauunlad ng kurikulum, ng mga guro at ng mga mag-aaral hindi lamang sa baitang walo (8) kundi para sa lahat kasama na ang mga magulang at iba pang sangay ng gobyerno magtulong-tulong tayo upang makagawa ng kurikulum na nararapat at babagay sa kinakaharap na problema ng edukasyon sa Pilipinas.