PAGSUSURI SA KURIKULUM NG BAITANG 10 PARTIKULAR NA SA ASIGNATURANG FILIPINO
INTRODUKSYON
“Edukasyon
ang susi sa tagumpay” isang palasak na kasabihan sa kasalukuyan ngunit
masasabing may makabuluhang ipinahihiwatig. Ang edukasyon ay mahalagang parte
ng buhay ng tao dahil dito hinuhubog ang ating pang kabuuang pagkatao.
Sinuportahan nga ito ni Nate (1995) sa kanyang pahayag na ang edukasyon ay
isang patuloy na kontroladong proseso na kung saan nag kakaroon ng pagbabago sa
paguugali ng tao. Gaya na din ng sinabi ni Dr. Jose Rizal na “Kabataan ang
Pag-asa ng bayan”. Paano ang kabataan kung walang edukasyon, walang masasabing
matuwid at tamang daan. Dahil edukasyon ang nagtuturo sa tamang landas na dapat
tahakin. Kaya’t sa puntong ito masasabing ang kurikulum ay isa sa may
mahalagang gampanin sa pagpapatupad nag magandang edukasyon, ng sa gayon ay
makamit ng mga mag aaral ang mga dapat nilang matutuhan at mapaghusayan.
Ang
konseptong papel na ito ay naglalaman at naglalahad ng pagsusuri sa kurikulum
ng baitang 10 partikular na sa asignaturang Filipino. Inaasahan sa papel na ito
na matukoy at mabatid ang layunin at saklaw ng kurikulum sa baitang 10, maging
mga kasanayan na dapat matamo ng mga mag aaral at disenyo ng kurikulum na akma
para sa baitang na ito. Isa pa matutukoy rin dito ang kahinaan at kalakasan ng
nasabing kurikulum.
Ang
kurikulum sa baitang 10 ay isa sa mahahalagang binibigyan ng pansin sa
kasalukuyan dahil sa kadahilanang sa puntong ito ay inihahanda ang mga mag
aaral sa Senior High School kung saan may kalayaan sila na pumili ng isang
espesipikong track at strand na sa tingin nila ay angkop para sa kanila, kung
saan lilinangin at huhubugin naman nito ang kanilang mga kakayahan na may
kinalaman sa ninanais nila na trabaho sa hinaharap. Masasabing ang kurikulum ng
baitang 10 ay mas pinalalim partikular na sa Filipino dahil nga kung wala ang
k-12 dapat sila ay papasok na sa kolehiyo. Ngunit, dahil sa pagbabago ng
kurikulum tatawaging “Junior High Completer”
ang mag magsisipagtapos sa baitang 10. Sa kabila man ng pagbabago na ito,
mababatid pa rin ng mga mag aaral ang mahahalagang aral na nakuha nila mula
rito dahil mas naging mahusay na sila sa pagbasa, pagsulat, pakikinig at iba pa,
hindi lamang ito dahil mas higit pa rito, natutunan nilang umunawa ng mga
teksto o akda sa Filipino na kinakailangan ng mas malalim na pag unawa. Ang
asignaturang Filipino ay mahalagang bahagi ng Junior High School dahil bawat
baitang nakapokus ito sa mahahalagang paksa at mga akda. Gaya na lamang sa
baitang 10 na binibigyang buhay muli ang akda ni Rizal na “El Filibusterismo”
na kung saan nararapat na maunawaan nila ito maisadula sa paraang mahusay. Kung
susuriin ay lubos na madaming hatid na mensahe para sa mga magaaral. Sa kabuuan
masasabing ang baitang 10 ay kinakailangan ng kurikulum na mas lilinangin ang
kakayahan ng mga mag aaral sa ibat ibang aspeto.
DISENYO AT LAWAK/SAKLAW
Ang
ankop na disenyo sa kurikulum ay mahalagang mabatid dahil magiging basehan din
ito upang matagumpay na maisakatuparan ang mga nilalaman ng kurikulum
partikular na sa Filipino sa Baitang 10. May tatlong uri ng disenyo ng
kurikulum at ang una rito ay ang Subject-Centered Curriculum o Nakasentro sa
aralin kung saan binibigyang tuon ang isang partikular na paksa o disiplina na
ihahain sa mga mag aaral, nakapaloob dito kung ano ang kailangan pag aralan at
paano ito dapat pag-aralan sinasabing ito ang pinaka karaniwang uri ng
kurikulum na ginagamit sa mga pampublikong paaralan at ito ay ayon kay
Mikethorn (2020). Pangalawa naman ay ang Learner-Centered Curriculum o
Naka-sentro sa magaaral binibigyang pokus rito ang kakayahan ng mag aaral kung
saan hinahayaan sila na maipakita o mailabas ang kanilang mga natatagong
talento. At ang huli naman ay ang Problem-Centered Curriculum o Naka-sentro sa
problema, tuon nito ang mga nakikitang suliranin sa edukasyon dahil sa tingin
ng marami ay ito ang pangangailangan upang mapagtagumpayan ang implementasyon
ng kurikulum isa pa magbibigay lunas ang hakbang na gagawin dito sa nasabing
mga suliranin. Ang disenyo ay masasabing isa sa mahalagang sangkap sa
matagumpay na kurikulum kaya’t mahalaga na malaman ang angkop gamitin sa isang
espesipikong larangan, upang makamit ng mga mag aaral ang matagumpay na pagkatuto.
LAYUNIN NG EDUKASYON SA
SEKONDARYA -BAITANG 10
Bawat
yugto ng edukasyon at bawat baitang ay may layunin na kung saan nakapokus sa
ikabubuti ng mga mag aaral. Kasama rin sa layunin na ito kung paano higit na
mapapataas ang bilang ng mga mag aaral na may maganda o mataas na marka. Bawat
baitang ay may layunin o pamantayan na masasabi upang maging basehan kung
naging epektibo ba ang kurikulum, at implementasyon nito, dahil nga marami ang
mga nagiging salik sa pagbagsak o pagbaba ng marka ng mga mag aaral.At sa
baitang 10 nilalayon at minimithi na makadebelop at makaprodus ng isang
gradweyt o “completer” na mabisang komunikeytor. Ngunit kasabay pa rin nito ang
patuloy na paglinang ng mga makrong kasanayan at patuloy na pagbibigay pansin
sa pagtamo ng kasanayan sa akademikong wika. Maging paglinang sa
pagpapakahulugan, pagsusuri at pagbibigay halaga sa paksa, kaalaman sa
kasanayan at pagpapahalaga sa panitikang Filipino isama pa ang kasanayan sa
pagkilala at paglikha ng ibat ibang uri ng panitikan.
MGA KASANAYAN SA BAITANG
10
Bukod
sa patuloy na paglinang sa makrong kasanayan gaya ng pagbasa, pagsulat,
pakikinig, pagsasalita at iba pa. Sa baitang 10 sa Filipino nililinang din ang
kakayahang komunikatibo – abilidad sa maayos at makatarungang
pakikipagtalastasan. Ayon nga sa talakay ni Emma Sarah (2018) ang kakayahang
komunikatibo ay sumasaklaw sa kasanayan nakatuon sa mga tuntunin at dapat iasal
sa paggamit ng wika. Isa pa nililinang din ang mapanuring pagiisip – pagiging
mapagsiyasat sa maayos at mabuti, pagunawa at pagpapahalagang pampanitikan
gamit ang teknolohiya at iba’t-ibang uri ng teksto at saling akdang pandaigdig
tungo sa pagkakaroon ng kamalayang global.
PAGSUSURI
SA KURIKULUM NG BAITANG 10
KALAKASAN
Ang
kalakasan ay masasabing positibong bahagi ng kurikulum partikular na sa Baitang
10 sa Sekondarya o Junior High School. At base nga sa mga imporamasyon na
nakatala ang kalakasan ng kurikulum sa baitang 10 partikular na sa asignaturang
Filipino ay ang 1.) Patuloy na paggamit at pagpapayabong sa ng wikang Filipino.
2.) Naisasangkot ang maraming mag aaral sa mga makabuluhang aktibidad na
humuhubog sa kanilang talent gaya ng mga pagarte sa dula, pag awit at pagsayaw
sa mga piling aktibidad sa Buwan ng Wika.3.) Nabibigyan ng pagkakataon ang mga
mag aaral na makatuklas ng kaalaman mula mismo sa kanilang sariling paraan
dahil na din sa patnubay at gabay ng mga guro. 4.) Hinuhubog ang mabuting
paguugali at kaasalan ng mga mag aaral sa mga piling paksa na tumatalakay sa
pagiging makabansa.
KAHINAAN
Ang
kahinaan ay mawawaring negatibo sa bahagi ng kurikulum at ilan dito ay 1.)
Matatalinhaga ang ilan sa mga teksto na inihahain sa mga mag aaral. 2.) Oras na
nakalaan sa talakayan bawat asignatura partikular na sa Filipino dahil karamihan
sa mga paksa at gawain sa Filipino ay kinakailangan ng mahabang oras gaya ng
mga dula-dulaan. 3.) Mga pagsusulit na kinakailangan lamang magkabisa upang
masagutan, dahil dito bumababa ang kanilang pagunawa sa mga aralin.4.) Paggamit
ng “online flatform” sa pagbibigay ng biglaang anunsyo dahil hindi lahat ng mag
aaral ay may “access” dito o maging telepono. Dahil nagiging sanhi ito upang
may malaktawan ang mga magaaral, ngunit kung alam ito ng mga mag aaral mayroon
silang pananagutan.
MGA DAPAT BAGUHIN
Bilang
estudyante na nagdaan din sa kurikulum ng Filipino sa baitang sampu masasabi ko
na maganda naman ito at angkop sa mga dapat matutuhan ng mga mag aaral. Dahil
maraming mga teksto na babasahin at maging mga gawain na kawili-wili. Ang akin
lamang nais baguhin o bigyang pansin sa kurikulum o aralin sa baitang sampu ay
ang suliranin sa mga teksto na labis na matatalinhaga at kahaba-haba dahil
bukod sa kakaunti ang natutuhan ng mga mag aaral ay nakakaubos ito ng oras na
nagiging sanhi upang huwag na lamang basahin at maging pagkawala ng interes sa babasahin.
Mas magiging makabuluhan ang mga teksto na hindi masyadong matalinhaga dahil
maraming matututuhan ang mga mag aaral isa pa magkakaroon pa sila ng sapat na
oras upang linangin din ang pagsulat ng mga akdang pampanitikan dahil sa
pagsulat nalilinang rin naman ang pagunawa at kritikal na pag iisip. Sa
kabuuan, masasabing may parte ng kurikulum sa baitang 10 ang di nabibigyan ng
interes ng mga mag aaral dahil na din sa kakulangan ng oras. Kaya’t maaari din
na baguhin ang takdang oras para sa Filipino dahil marami ang mga paksa nito na
dapat bigyang ng tuon.
SARILING MUNGKAHI
Sa
aking palagay, masasabing may negatibo man ang pagkakabuo ng kurikulum ng
Filipino sa baitang sampu. Ngunit mas masasabi pa rin na mas kailangang tignan
ang positibong dulot nito. Aking maimumungkahi na dapat higit na bibigyang
pansin ng programa ang oras ng implementasyon dahil kahit akma o angkop pa ang
nabuong kurikulum ngunit may kakulangan sa oras ng talakayan rito ay hindi pa
rin makakamit ng mga mag aaral ang kompetensi na nakatala sa lesson plan ng mga
guro. Isa pa, bigyang pansin din ang mga kagamitan sa pagkatuto gaya ng mga
aklat dahil ito ang magsisilbing gabay ng mga mag aaral lalo na sa kanilang mga
takdang aralin ng sa gayon ay angkop ang kanilang makuha at maunawaan na datos
o impormasyon tungkol sa paksa. Higit pa rito ninanais ko bilang guro sa
hinaharap sa sekondarya partikular na sa Filipino na sana ay bigyang pagtataya
ang kurikulum bawat taon ng sa gayon ay malaman din ng mga guro ang nararapat
na bigyang pansin o ang mga dapat baguhin sa kanilang estratehiya. Dahil
mahirap ang ginagampanan ng guro lalo na dumarami ang bilang ng mga mag aaral
sa loob ng isang silid at hindi lahat ng kahinaan o kakulangan ay kanilang
mapupuna at mabibigyan ng oras lalo na kung ang sulranin ay nasa mismong
nilalaman ng kurikulum. Dahil ayon nga DepED noong (2013) ang pagtatasa at
pagtataya ay mahalagang bahagi ng pagtuturo, dahil dito nasusukat ang antas ng
pagkatuto ng magaaral at kalidad ng pagtuturo.
SANGGUNIAN
https://www.academia.edu/19897907/Filipino_Gabay_Pang-Kurikulum_Baitang_1_-_10?auto=download
https://www.slideshare.net/mobile/luvy15/ang-pagtuturo-ng-filipino-sa-batayang-edukasyon
https://www.coursehero.com/file/51193383/Disenyo-ng-Kurikulumdocx/
https://www.academia.edu/31575690/KABANATA_II_MGA_KAUGNAY_NA_LITERATURA_AT_PAG-AARAL
https://guroakongmatapat.files.wordpress.com/2013/06/sesyon-6-pagtatasa-at-pagtataya.pdf
https://www.slideshare.net/mobile/emmasarah790/kakayahang-komunikatibo
Mga Komento
Mag-post ng isang Komento