Paksa ng Pananaliksik - Maaaring Pagbatayan

  

  1. Paggamit ng iba't ibang Barayti ng Wika sa pagtuturo – bilang isang guro sa hinaharap sa Filipino ninanais kung malaman o saliksikin ang epekto ng paggamit ng mga uri ng barayti ng wika sa pagtuturo sa mga mag-aaral na may iba't ibang lipunang ginagalawan, antas, edad at iba pa.
  2. Lagay ng Panitikang Filipino sa Kasalukuyang Panahon – dahil sa aking pananaw hindi na ganoong binibigyan ng personal na pansin ng mga mag-aaral ang Panitikan ng Pilipinas kung hindi ito requirments o kinakailangan sa pagpasa sa kurso ng Filipino. Nais kong saliksikin ang mga mungkahi ng mga mag-aaral at guro upang makahanap ng epektibong solusyon upang mahikayat ang mga mag-aaral na magbasa.
  3. Pag-aaral ng pagsulat ng Baybayin – bilang sinaunang sistema ng pagsulat ng mga Pilipino noong panahon bago pa dumating ang mga kastila o ang orihinal na alpabeto nating mga Pilipino, nais kong magsaliksik ng mga pamamaraan upang muling ipakilala at kung may posibilidad ba itong muling gamitin ng mga kabataang tulad ko na nais magaral ng iba pang alpabeto.
  4. Inpluwensya ng Wikang Banyaga sa mga kabataan – sa makabagong panahon ngayon na kung saan nauuso ang mga gadgets mula sa murang edad ng mga bata natututo silang magsalita ng wikang ingles imbis na ang unang matutunan nila ay wikang Filipino at pagdating naman sa mga kabataan dumarami ang nagnanais na matutunan ang wikang banyaga gaya ng Ingles, Nihonggo, Hangul at iba pa ngunit hindi na nila nabibigyan ng pagkakataon na mas palalimin pa ang kaalaman ng sariling wika at nahihirapan na tayong magsalin ng sarili nating wika. Nais kong saliksikin ang mabuti at masamang ang epekto nito sa pag-unlad o pagkilala ng ating sariling Wika.
  5. Isang pagsusuri ng pananaw ng mga mag-aaral ng Kolehiyo ng Emilo Aguinaldo sa kursong B.S Education Major in Filipino sa paggamit ng Wikang Filipino at Wikang Banyaga ng mga kabataan sa kasalukuyang panahon. – Gaya ng nauna, dito nais ko naman malaman ang pananaw ng aking mga kamag-aral sa na nagpapakadalubhasa sa Filipino mula unang taon hanggang ikaapat na taon ang epekto ng paggamit ng Wikang Filipino at Wikang Banyaga ng mga kabataan. Kung naka-impluwensya ba ang pananakop satin ng mga dayuhan, epekto ng paggamit ng teknolohiya upang kahiligan natin ang wika ng iba, kung saang-ayon ba tayo sa nakaraang isyu na tanggalin ang wikang Filipino sa kolehiyo, at ang paggamit ng mix language sa paraan ng pagtuturo.

Mga Komento

Mag-post ng isang Komento

Mga sikat na post sa blog na ito

Isyung pangwika na kinakaharap ng Wikang Filipino sa kasalukuyan

  Bawat wika ay mayroong isyung pinagdaraanan, kahit ito'y opisyal bilang wikang isinasalita ng mga tao, hindi maiiwasan na magkaroon ng diskriminayson ukol rito. Isa na rito ang wikang atin, ang Filipino, sapagkat ito ay tanyag na wikang gingamit natin sa araw-araw, hindi nawawala ang suliranin nito, sa nakaraan man o kasalukuyan. Ito ang mga ilan sa isyung pangwika na kinakaharap ng wikang Filipino sa panahon ngayon.    Ang mga isyung pangwika ay ang pagkakaroon ng kaisipang madali lamang ang asignaturang Filipino. Marahil, madali sa paraan ng paggamit lamang nito sa pasalitang paraan at pagsulat ng simple, subalit, hindi lingid sa kaalaman ng iba, na kapag sinabing asignaturang o wikang Filipino ay umiikot lamang ito sa ating wika kung paano ito gamitin sa pakikipagtalastasan at komunikasyon. Bilang nagpapakadalubhasa sa larangang ito, hindi naging madali ang pagpapalaganap at pagpapayabong rito, sa kadahilanang, ang pilipino ay ginagamit ang wika ngunit unti-unti ri...
Magbasa nang higit pa

PAGSUSURI NG KURIKULUM SA ELEMENTARYA 2

           I.        Introduksyon             Ang papel na ito ay naglalamang ng mga pagsusuring isinagawa sa kurikulum sa Elementarya. Tinatalakay din dito ang pagtuturo ng Filipino sa batayang edukasyon pang- elementary. Ang nilalaman ng pgsusuring ito ay ang pagtatalakay sa disenyo, lawak saklaw ng kurikulum, layunin ng edukasyon sa elementary, mga kasanayansa edukasyong pang-elementarya kalakasan at kahinaan ng kurikulum dito sa Pilipinas, mga dapat baguhin sa pagdebelop at pag- implementa ng kurikulum at ang aking sariling mungkahi para sa pagpapabuti ng kurikulumsa kasalukuyan.               Ang Kurikulum ayon kina Ragan at Shepherd ay isang daluyang nagpapadali kung saan ang paaralan ay may responsibilidad sa paghahatid, pagsasalin at pagsasaayos ng mga karanasang pangkatuto. Sa pamamagitan n...
Magbasa nang higit pa

Pananaliksik Draft ng Kabanata 1 (Isang Halimbawa)

   PERSEPSYON SA KONTEMPORARYONG PANITIKAN NG MGA PILING MAG-AARAL NG EMILIO AGUINALDO COLLEGE - CAVITE BAITANG 12 SA PAGLINANG NG MAKRONG KASANAYANG PAGSULAT       KABANATA I PANIMULA     Rasyunale ng Pag-aaral Pangkalahatang layunin ng 2013 Kurikulum ng K to 12 makalinang ng isang buo at ganap na Filipinong may kapaki-pakinabang ng literasi. Layunin ng pagtuturo ng Filipino na malinang ang (1) kakayahang komunikatibo, (2) replektibo o mapanuring pag-iisip at, (3) pagpapahalagang pampanitikan ng mga mag-aaral sa pamamagitan ng mga babasahin at teknolohiya tungo sa pagkakaroon ng pambansang pagkakakilanlan, kultura na literasi, at patuloy na pagkatuto upang makapagapay sa mabilis na pagbabagong nagaganap sa daigdig. Kaugnay nito, tunguhin ng asignaturang Filipino lalo na sa antas Sekondarya na malinang ang mga kasanayang MAKRO (Pakikinig, Pagsasalita, Pagsusulat, Panonood at Pagbabasa) at mabatid ang tiyak na kaalamang panggramatika sa pagtamo ng kakay...
Magbasa nang higit pa