Abakada, Alpabetong Pilipino at Alfabetong Filipino

 

Bago pa man dumating ang mga Kastila, tayo ay mayroon nang kinikilalang isang uri ng alpabeto. Ito ang tinatawag nating Alibata, ito ay isang katutubong paraan ng pagsulat ng mga Filipino. Ang Alibata ay binubuo ng labimpitong titik: 3 patinig at 14 na katinig. Isang uri ng palaybaybayang hatid sa atin ng mga Malayo at Polinesyo. Sinasabing ang Alibata ay may impluwensya ng palatitikang Sanskrito na lumaganap sa India at sa iba pang mga lugar sa Europa at sa Asya. Ito ay bahagi ng sistemang Brahmic (na nagsimula sa eskriptong Sanskrit) at pinaniniwalaang ginagamit noong ika-14 siglo. Kakaiba ang pagsusulat ng alibata hindi katulad ng nakasanayan na ng mga Pilipino. Ang paraan ng pagsulat ng mga katutubo’y patindig, buhat sa itaas pababa at ang pagkakasunod ng mga talata ay buhat sa kaliwa, pakanan.

Abakáda ang tawag sa pangkat ng mga titik o letra sa wikang Tagalog at kumakatawan ang tawag sa apat na unang titik nitó (A-Ba-Ka-Da). Ang abakáda ay binubuo ng 20 titik: A,B, K, D, E, G, H, I , L, M, N, Ng, O, P, R, S , T, U, W, Y. Lima rito ang patinig (A, E, I, O , U) at labinlima ang katinig. Sinusundan ng abakada ang papantig na pagbigkas ng mga titik ng wikang Tagalog na kalapit na kalapit rin sa mga sagisag ng baybáyin, ang sinaunang paraan ng pag-sulat ng mga Tagalog. Mapapansin lámang na ang E-I at O-U ay kinakatawan ng isang tunog sa baybayin kayâ tatlo lamang ang patinig ng lumang alpabetong ito. Nag-dulot ito ng kalituhan noon at hanggang ngayon dahil hindi nabibigkas nang magkaiba ang E sa I at ang O sa U.

Ang alfabetong Filipino ay binubuo ng 28 letra. Ang tawag sa mga letra ay ayon sa bigkas-Ingles ng mga Pilipino maliban sa ñ (enye) na tawag-Kastila. Ang walong (8) letra na dagdag ay galing sa mga umiiral na wika ng Pilipinas at sa mga iba pang wika. Tuntunin sa Panghihiram at Pagbaybay  Gamitin ang kasalukuyang lesksikon (salita) ng Filipino bilang panumbas sa mga salitang banyaga. Kung anong mayroong mga salita sa Filipino iyon ang ipanumbas sa mga salitang hiram. Kumuha ng mga salita mula sa iba’t ibang katutubong wika ng bansa. Nangangahulugang maaaring gamiting panumbas sa mga salitang banyaga ang mga salitang magmumula sa iba’t ibang wika at diyalekto sa bansa. Bigkasin sa orihinal na anyo ang hiniram na salita mula sa Kastila, Ingles at iba pang wikang banyaga at saka baybayin sa Filipino. Dito ginagamit ang prinsipyo sa Filipino na kung anong bigkas ay siyang baybay at kung ano ang baybay ay siyang basa. Gamitin ang mga letrang C,N,Q,X,F,J,V,Z, kapag ang salita ay hiniram nang buo

 

Mga Komento

Mag-post ng isang Komento

Mga sikat na post sa blog na ito

Isyung pangwika na kinakaharap ng Wikang Filipino sa kasalukuyan

  Bawat wika ay mayroong isyung pinagdaraanan, kahit ito'y opisyal bilang wikang isinasalita ng mga tao, hindi maiiwasan na magkaroon ng diskriminayson ukol rito. Isa na rito ang wikang atin, ang Filipino, sapagkat ito ay tanyag na wikang gingamit natin sa araw-araw, hindi nawawala ang suliranin nito, sa nakaraan man o kasalukuyan. Ito ang mga ilan sa isyung pangwika na kinakaharap ng wikang Filipino sa panahon ngayon.    Ang mga isyung pangwika ay ang pagkakaroon ng kaisipang madali lamang ang asignaturang Filipino. Marahil, madali sa paraan ng paggamit lamang nito sa pasalitang paraan at pagsulat ng simple, subalit, hindi lingid sa kaalaman ng iba, na kapag sinabing asignaturang o wikang Filipino ay umiikot lamang ito sa ating wika kung paano ito gamitin sa pakikipagtalastasan at komunikasyon. Bilang nagpapakadalubhasa sa larangang ito, hindi naging madali ang pagpapalaganap at pagpapayabong rito, sa kadahilanang, ang pilipino ay ginagamit ang wika ngunit unti-unti ri...
Magbasa nang higit pa

PAGSUSURI NG KURIKULUM SA ELEMENTARYA 2

           I.        Introduksyon             Ang papel na ito ay naglalamang ng mga pagsusuring isinagawa sa kurikulum sa Elementarya. Tinatalakay din dito ang pagtuturo ng Filipino sa batayang edukasyon pang- elementary. Ang nilalaman ng pgsusuring ito ay ang pagtatalakay sa disenyo, lawak saklaw ng kurikulum, layunin ng edukasyon sa elementary, mga kasanayansa edukasyong pang-elementarya kalakasan at kahinaan ng kurikulum dito sa Pilipinas, mga dapat baguhin sa pagdebelop at pag- implementa ng kurikulum at ang aking sariling mungkahi para sa pagpapabuti ng kurikulumsa kasalukuyan.               Ang Kurikulum ayon kina Ragan at Shepherd ay isang daluyang nagpapadali kung saan ang paaralan ay may responsibilidad sa paghahatid, pagsasalin at pagsasaayos ng mga karanasang pangkatuto. Sa pamamagitan n...
Magbasa nang higit pa

Pananaliksik Draft ng Kabanata 1 (Isang Halimbawa)

   PERSEPSYON SA KONTEMPORARYONG PANITIKAN NG MGA PILING MAG-AARAL NG EMILIO AGUINALDO COLLEGE - CAVITE BAITANG 12 SA PAGLINANG NG MAKRONG KASANAYANG PAGSULAT       KABANATA I PANIMULA     Rasyunale ng Pag-aaral Pangkalahatang layunin ng 2013 Kurikulum ng K to 12 makalinang ng isang buo at ganap na Filipinong may kapaki-pakinabang ng literasi. Layunin ng pagtuturo ng Filipino na malinang ang (1) kakayahang komunikatibo, (2) replektibo o mapanuring pag-iisip at, (3) pagpapahalagang pampanitikan ng mga mag-aaral sa pamamagitan ng mga babasahin at teknolohiya tungo sa pagkakaroon ng pambansang pagkakakilanlan, kultura na literasi, at patuloy na pagkatuto upang makapagapay sa mabilis na pagbabagong nagaganap sa daigdig. Kaugnay nito, tunguhin ng asignaturang Filipino lalo na sa antas Sekondarya na malinang ang mga kasanayang MAKRO (Pakikinig, Pagsasalita, Pagsusulat, Panonood at Pagbabasa) at mabatid ang tiyak na kaalamang panggramatika sa pagtamo ng kakay...
Magbasa nang higit pa